揀樓睇單位老麥都可能是不可或缺的條件

麥當勞1975年登陸香港，2025年正是50大壽。老麥年度加價更是大新聞，證明我們早已習慣生活不能沒有麥當勞，今時今日揀樓，除了睇單位位向、物業齡樓及位置，樓下有無老麥都可能是不可或缺的條件。

外賣仔不能取代老麥兩大原因

本地有三大外賣平台，理論上全天候都可以嗌到外賣，有人或會質疑樓下有老麥有幾緊要。近年天文台都一再提醒大家，全球面對極端天氣，香港亦不例外。每當橫風橫雨日子，大家都湧入外賣平台落單，你很有可能等至天荒地老都未能醫肚，落街即有老麥，就可以火速解決食物補給問題。

除了橫風橫雨食物補給因素，另一個外賣仔不能取代老麥原因係平及方便。香港單身人士數目有增無減，一個人住嗌外賣很多時都不划算，特別是簡單想食一個早餐，平日返工時間更加無可能在家等外賣仔送早餐，最便捷解決方案是到樓下老麥食早餐。單是這一點，相信不少單身人士置業時，都會關注樓下是否有老麥。

電視台或網上頻道地產節目，介紹一手或二手樓時，通常都會提及附近有沒有街市方便買餸。不過對年輕業主而言，附近有冇街市已非關注點。首先是濕貨街市周邊幾條街難免有陣味，路面亦可能永恆濕滑甚至水長流，路邊更經常有貨車停泊，特別是送魚的貨車傳來濃烈腥臭味，想像到這一點，揀樓反而想避開樓下有街市的樓盤。

年輕上班族放工回家，街市已可能收檔，相比之下，樓下有老麥、便利店，再加一間24小時營業的洗衣店，可能是更實際的配套。不過從食物補給功能出發，揀老麥都要留意營業時間。不少老麥分店只開到晚上10點，如想半夜有老麥支援，至少要揀樓下有開到12點老麥的樓盤，當然更佳是樓下有24小時營業的老麥。

或會有人反駁，連鎖食店品牌多的是，何解只押注老麥？今年餐飲業執笠潮尚未結束，但老麥分店明顯防守力較強，一般捱得過五年的老麥分店，都會成為長做長有的老牌店。所以樓下有老麥，都算是食物供應有保證的優勢吧。