錢國偉離世前執導電影《熱血燃燒》終於上映，今晚舉行好友場，除主角林曉峰、張文傑外，曾志偉、林盛斌、黎諾懿、麥美恩、石修、錢嘉樂都有撐場，而遺孀陳宛蔚（Calinda）更與「味之天使」。
陳宛蔚接返訪問時透露當初錢國偉拍《熱血燃燒》時十分多波折，在泰國拍三、四個月，但仍有十多日戲份未完成，最後由總監黃海接手。「佢拍呢套戲時我啱啱生完女，出院第日佢就飛泰國，喺當地可能人生路不熟，第一場戲有三百幾個臨記，小春要飛車入去，但準備好晒時突然被通知唔拍得，話警察會拉人；到後來又試過拍完啲片要拎錢去贖，（拎咗幾多錢去贖？）呢個真係唔知，但佢係拍得好辛苦。」陳宛蔚十分感激黃海令電影面世，自己喺睇到錢國偉在戲中出現時感觸良多。
林曉峰、張文傑出席主演電影《熱血燃燒》好友場，林曉峰接受訪問時指拍攝時與錢國偉十分多磨擦，仲笑稱趁人已離世，所以盡情講。「啲麻甩佬有磨擦都好快無事，有場同天華、小春都覺得係咁，同作嗌完佢唔理我哋走開，但到正式拍攝時佢都話會就返我哋。」電影當初幾乎爛尾，林曉峰坦言曾擔心上唔到戲院，但好在有總監黃海接手。
