7日播出的一集《奔跑吧！勇敢的女人們》，吳若希（Jinny）戴上娘爆金色假髮、一身超老土懷舊造型大跳「殭屍style大媽舞」拍廣告，除了舞步夠騎呢，廣告歌亦相當洗腦。Jinny表示為了這個短短場口，在古裝街拍了足足四小時，「呢個應該係吳若希出道以嚟最樣衰嘅造型，我哋為咗拍呢隻舞，都喺古裝街拍足四個鐘㗎！」在劇集播映前，Jinny在社交平台上載造型照及發文，「好少可希望大家唔得閒睇電視……唉！我辛苦建立嘅形象……唉！」
有份參演的謝可逸以爆笑造型示人，成功令觀眾留下印象。身高192cm的謝可逸不但身材高佻，更曾是擁有高薪厚職的會計師，為了追夢而投身演藝圈。
