人稱「俞明叔」的俞明去年3月榮升人瑞，慶祝100歲生日，今日（5日）卻傳出死訊，其女兒在facebook透露爸爸昨日年初七早上在睡夢中安詳離世，享年100歲。
俞明叔是李小龍堂姐李秋鑽的丈夫，二人育有三女兒，孻女Heidi 以短訊回覆記者，透露父親是在上月30日（初二）因發燒要由救護車送院，她說：「初二晚因為爸爸有少少發燒加埋聽到佢有好多痰，所以call白車入咗醫院，後尾診症係肺炎，爸爸響醫院一直都係昏睡，初四早上姑娘打電話嚟，話維生指數突然跌低，叫我哋即刻去醫院，咁去到就瞓着咗，冇咗心跳，所以好感恩啊，唔使受苦，冇痛過冇掙扎過，爸爸真係好錫我哋，佢好叻叻🙏🏻🙏🏻🙏🏻」
Heidi表示爸爸能在睡夢中離世亦是一種福份：「爸爸一生將歡樂帶俾好多人，又到一百歲嘅高壽，而且睡夢中安詳離世，非常感恩🙏🏻」
