李佳芯離巢後首度現身回復自由身發展

李佳芯（Ali）經過去年一整年的續約拉鋸戰，談判決裂後被TVB官網正式除名，意味Ali已經正式「脫無」。Ali今日（16日）出席品牌宣傳活動，承認已經離開無綫，正式確認離巢消息，回復自由身發展。談到離巢的感受時，Ali明顯非常風騷，笑容滿面，大談未來動向。

Ali透露上個月已經與TVB和平分手，心態尚未有明顯轉變，作為演員一直以來都是裝備自己，等待好角色。談到雙方拉鋸一年時間，最終仍未取得共識，李佳芯就坦言雙方都有不同的考慮因素，自己希望在這個階段可以挑戰更多，嘗試更多不同的事物。目前Ali尚有一部劇集存貨《麻雀樂團》未出街，播出時亦樂意幫手宣傳。

Ali於活動上表示對舊公司心存感動和感激，在TVB工作了12年的她有感而發：「每個地方都係，12年喇，甜酸苦辣咩都有㗎喇，唔同嘅感受都有出現過，所以到𠵱家對我嚟講，起碼我諗返轉頭呢12年都係冇白費過。我有努力過，頭先所講大家認識我，反而個感覺係有啲感動同感激。（甜酸苦辣係啲咩？）全部都有。」

現場有傳媒向Ali指TVB今天未有派記者採訪她，她說：「唔係啊，我見到有好多熟悉嘅臉孔。（你望一望有咩咪牌）我唔望喇，有啲嘢唔好睇得咁清楚。（有冇請人食散水餅？）唉啊！其實我想派利是啊，我希望會再見到大家。」

2005年開始投身影藝圈，先後當過模特兒及接拍不同品牌的廣告。她於2008年加入有線電視，當時仍然使用其本名李嘉馨。2012年，Ali過檔TVB並改名為李佳芯，同時兼顧做主持及拍劇。直到2018年，Ali憑《BB來了》的唐恬兒奪得《萬千星輝頒獎典禮2018》的「最佳女主角」，登上視后寶座。後來，不時傳出Ali被TVB打壓及雪藏的消息，甚至於內地播放的《萬千星輝賀台慶》中，更將Ali打格仔，失去出鏡機會。今天，Ali親證已離開TVB，結束約12年的主僕關係。